Zwienebienen blues

Zie bint tevree, op Klaos zien stee. Dat hebt zie koft
umdat aol Klaos ’t er toe dee,
Zun boerderij, met schaop erbij, en op de koegang kwam een
Pottenbakkerij...
de mesbult vot,.... de wiemel leeg,
um’t hiele hoes een meters hoge stiekelheeg!

En naober Geert, die at verkeerd, dat hadden zien nije buren
hum daodelijk al leerd.
Zie keken ies rond, ’t leek ongezond, zie zeden:
"Want elke pond die gaat door de mond"
Die zieden spek,.. de nagelholt...
’t was almaol veuls te vet en veuls te zolt!

Maar Geert zee WAT ? ... nog nooit gien zwienebienen had ???
Zo oet de snert... de kop van boven tot under vet,
en van die knasterbotties,.... zo zacht en zo mals,... haa,
die gliedt je zunder sloeken zo deur de hals!

Toen zeden zie: " Nou, kom ook eens gauw, dan koken wij
een lekker potje voor jou".
En dat gung deur, de stropdas veur,
en met een puutien slacht veur’t eerst de veurdeur deur,
maar zie zeden: NEE!, neem maar weer mee,
wij eten altijd vegetarisch met z’n twee!

En Geert dacht: : WAT? nog nooit gien zwienebienen had ???
Zo oet de snert... de kop van boven tot under vet,
en van die knasterbotties,.... zo zacht en zo mals,... haa,
die gliedt je zunder sloeken zo deur de hals!

Zie gungen an’t maol, ’t stun op een schaol, en geert zee:
Lieve tied, wat is dt allemaol,?
’t was haute cuisine, met aubergine, en of ’e ok nog wat
olijfjes wol misschien ?
Dit was gewis, gezonde dis, en Geert dacht: mèens, ej weet niet
half wat lekker is!

Hie dacht met smart: ach haar ’k maar zwienebienen had!
Zo oet de snert... de kop van boven tot under vet,
Die knasterbotties,.... zo zacht en zo mals,... haa,
die gliedt je zunder sloeken zo deur de hals!

Zie pruten van dit, zie pruten van dat, en Geert die haar nog
nooit zun beroerde aovond had,
Aal dat gezwets, van aolderwets,
um goed begen uur toen gung é staon, hie was’t zo zat,
Mevrouw, meneer, kom maar ies weer,
zie zeden: wat enig, ’s lands wijs, ’s lands eer!

En zo is dat,.. ik heb nog zwienebienen zat!
Zo oet de snert... de kop van boven tot under vet,
en van die knasterbotties,.... zo zacht en zo mals,... haa,
die gliedt je zunder sloeken zo deur de hals!