Henkie

Hie zag heur veur’t eerst op een feest in Nij Dort.
Daor was ’e met Appie, met Rieks en met Ot.
Zie waren op twie brommers, die stunnen naost de kroeg,
Appie haar’n Zündapp en Rieksie een Puch.

Ab haar een wichtien oet Nij Amsterdam, Rieks ien oet Knarphoorn
en Ot oet Loeksham.
En Henk haar wal’n bromfiets, die kwam van giesbrug,
maar nog nooit gien verkering, oes Henk was wat stug !

Oh lai la la ( enz)

Daor stun dus die meid en zie stun wat apart.
En Ab zee: "Hee Henk jong, is dat nog niet wat ?
Die meid die daor stiet met het gat tegen de muur ?
Ïk weet niet, zee Henkie, of ik dat wal duur !

Ah jong, kom op , zeden zien makkers, moe’j ’t ok ies proberen !
En diep in zien hart wol oes Henkie wal geern.
Maar allen deur’t idee al verscheut ’e van kleur.
Dat hie dan maar zo mus gaon proten met heur.

Oh lai la la ( enz)

Hie is er toch hen gaon, de jongs hulen niet op.
Met’n kloet in de hals en met’t zwiet veur de kop
Keek Henkie verlegen tegen het wichtien umhoog.
Henk zee van: Moi. En zie zee van: Doohoog.

Henk hef nog zegt dat’t mooi weer was en zo.
Waornao zij, volgens umstanders zegt hef van: Ooh.
En wieder verveelde oes Henkie zuch dood,
Want veul meer dan dat wuur die aovond niet proot !.

Oh lai la la ( Enz)

In’t lest luup oes Henkie verdrietig d’r oet.
En’t wichtien dacht: Huw ies, maar dat komp niet goed.
Zij is toen votdao’lijk hen boeten toe gaon
Waor Henk stun te reren in’t locht van de maon.

En Henk ruup: Ach wichtien, en gao non maar vot.
Da’j mij zo ziet reren, ik schaam mij kapot.
Ik bin’n dikke schieterd, gien wich zöt mij staon.
’k bin ok niet rosmantisch, ik gao hier vandaon.

Oh lai la la ( enz)

Toen zee zij: Ach Henkie, met je is niks mis.
Maar ej ruukt zo naor parsvoor, en da’s niet zo fris. ( kuilvoer)
En vrijen daor krieg ik’t dan echt niet an toe.
Want ik bin non ienmaol een wicht en gien koe.

Want goed een week later was Henkie d’r weer.
Splinternij goed an, een blitse meneer !
En zij ruup, bedwelmd deur zien au-de-toilet:
Oh Henkie mien jong, ik wil geern met je met !

Oh lai la la ( enz.)