Blinde peerde

Weet ej ok al waor oj hen gaot als’t dommee vakantie is ?
Nou, wij gaot vanjaor hen Frankriek, net als Grietje en als Chris.
En non hebt wij ok een Caravan, net zo ien als die van heur.
Oes gerdienties hebt allen een hiel klein beetien ’n aander kleur.
Ja wij weet nog niet of’t um de centerij wal almaol kan,
Maar de halve straot die toogt op die manier op Frankriek an !
KLOK KLOK KLOK KLOK KLOK KLOK KLOK KLOK ( 2x)
Ja want Albert Jan en Geesje en de kinder die doet’t ok !

En klein Jansie kreg een baordtien, um de kin en um de mond.
Souvenier van de vakantie en hie luup er stoer met rond.
Ach de vrouw vindt’t mooi zee Jansie, en dan koj heur in de muut.
En dan leek het net alsof ‘e deur een vogelnustien pruut.
Nou zee Klaos. Dat haor, die lippen, misschien is’ t wal hiel arg Fraans , maar
als ik je was luut ik’t knippen, döt mij denken an hiel wat aans!
KLOK KLOK KLOK KLOK KLOK KLOK KLOK KLOK (2X)
Ja maar al die Franse voetbalinternationals heb’t ok !

Ome Henduk gruuf vol ijver achter in zien kleine hof
An een machtig grote vijver en hie oogstte alle lof.
En hie luut er vot veur vieftiendoezend gulden an vis in glien
Ok al kunnen ej daor nao vittien dagen maar weinig meer van zien.
Ach, zee buurman tegen Henduk, bij zien bak vol grune brei,
daor moet eerst veur zes- zeuven doezend gulden an zuurstofplanties bij.
KLOK KLOK KLOK KLOK KLOK KLOK KLOK KLOK ( 2X )
Want dat hebt de bu-ren veur, opzied en achter oes jao ok !

En zo stiet men smangs als older veur een onverwachte keus:
Oeze dochter kreeg de kolder, wol een piercing deur de neus.
( Harm) Dat is vet en cool en gaaf, man, dat hef ja elk en ien.
( Roelof) Dend’ hef denk’ nog nooit gien Papoeas in Nij- Gunea zien !
Doodsbenouwd veur ome tandarts, maar wal gaten deur de neus.
Kan wal wezen zee het wichtien, maar ik heb gien aander keus.
KLOK KLOK KLOK KLOK KLOK KLOK KLOK KLOK ( 2X)
Want Debora en Precilla en Illona die heb’t ok !

Tegen ons kinder praat wij Hollands, ja, ook altijd al gedaan.
Anders kunt die arme stumpers ons a gils niet meer verstaan.
Ach, men wil toch ok het beste, als olders veur zien kind.
Aander olders moet niet denken dat jij’n beetje ’n stumper bint
’t Zou natuurlijk heus wel jammer zijn als’t Drents niet meer bestond.
Ach, we praten tegenwoordig ook al Hollands tegen ons nieuwe hond.
KLOK KLOK KLOK KLOK KLOK KLOK KLOK KLOK ( 2X)
Ja, want aander Drentse olderparen doet het almaol ok ! ( klok kok , enz.)
Net als’n hiele koppel hoender, almaol op de zölfde stok. ( kok klok , enz )
Allemaol de zölde kaant op, almaol drok drok drok drok drok. ( klok klok, enz)
Als een koppel blinde peerde almaol in ‘t zölde hok! ( klok klok, enz.)