Bimboo

Hie zat mooi veur de heeg toen hie heur in de gaten kreeg.
Zie luup wat rond, zie trök met’t bien, haar’n aole hond an’n lange lien.
Zie haar vlas-blond haor en’n bloempiesrok
en’n stem als een klok. Zie beulde:

Bimbo hier en Bimbo daor, en Bimbo bi’j non nog niet klaor ?
Daor niet an slikken, doe niet zo gek !
En Bimbo, nee, niet tegen dat hek ! En Bimbo oet dat erpelloof !
Bimboooooo, wat bi’j ja doof !

Maar Albert dacht: Zie hef wal wat, zie dreit gezellig wat met’t gat.
Zie trekt dan misschien wat met’t bien, maar wieder kan zie’t locht wal lie’n.
Nou ja, zie bleert smangs wal wat hard, maar ach, wat zul mij dat.

REFR:

Terwiel zie gangs was met de hond, dacht Albert:
Och, zie is gezond.
En alles zit er op en an, en ach , nou ja,
wat let mij dan.
En de vogels zungen op d’achtergrond en zie,
zie ruup de hond:

REFR:

Maar toen de zun host underzunk, en zie nog aal
de steeg deur klunk
tegen Bimbo die in d’erpel lag , en heur niet
heurde en niet zag,
dacht Albert: ja, maar stel je veur,
als ik’t ies niet meer heur...

Röp zie dan: ALBERT HIER EN ALBERT DAOR !
EN ALBERT BI’j NON NOG NIET KLAOR ?
DAOR NIET AN SLIKKEN, DOE NIET ZO GEK, EN
ALBERT, NEE, NIET TEGEN DAT HEK!
EN ALBERT OET DAT ERPELLOOF.
ALBERT.... WAT WO’J DOOF. (2x)