De Vlotte (dikke) dame

Zie was een vlotte dame, zie was ok goed gezond,
toch was zie niet tevreden, weug krap twiehonderd pond!
Zie was dus veuls te zwaor en haar zukzölf daor op betrapt:
de weegschaol was heur veurig jaor spontaan deurmidden knapt.

Het haar heur nooit veul schelen kunt, zie dee d’r ok niks op,
zie was dan wal wat stevig, maar zie haar een mooie kop.
Zie was op ieder feestien vaak het centrum van plezier,
en elk en ien geneut van heur gelach en heur gegier.

En daansen dat zie kun, zie walste alles um !!

En van je hup-twee in de maot, polonaise over’t straot,
bier en dreuge worst, is mien favoriete kost (2x)

Zie gung toen maar an’t lijnen en dat dee zie resoluut:
zie drunk allen maar water en zie at allen beschuut.
zie scheuf heur dreuge worsten en heur pilsies an de kaant
men zag heur non vaak lopen met’n komkommer in de haand.

Zie zung al nao een week, toen zie in’t spiegel keek:

en van je hup twee in de maot. In’t trainingspakkien over’t straot,
hef toch zeker zin, ’k gleuf da’k non al slanker bin! (2x)

Zie was nao vittien dagen nog maar honderdtachtig pond, maar
zie vuulde zuk lamlenning en ok lang niet meer gezond.
zie kreeg zun mager bekkien, zie haar ok gien kleur,
maar ’t allerslimste was, zie kreeg zun akelig humeur!
Zie reerde en zie foeterde en alles was een flop,
heur man kreeg zölfs een klets met een komkommer um de kop!
En was er ies een feestien dan verveelde zie zuk dood,
dan zat zie stil te proelen achter ’n glassien met Spa-rood.

En elk en ien dacht: "Nou, wat toch zunde van zun vrouw! "
En zie dacht" Een, twee, koppie thee, kopzeert, liefzeert,
diarree........ Dan maar wat te vet, maar ’t is gebeurd
Ik kap er met!!

Zie hef de jas antrökken en is op hoes an gaon,
en hef zuk aofgemieterd gauw wat karbonades brao’n
D’r stunnen nog kaole erpel, die hef zie ok even bakt en
tenslotte hef zie zuk nog even een lekker pilsien pakt.
Zo wuur zie weer de aole, zo wuur zie weer gezond,
zo zat zie binnen een week ok weer op roem twiehonderd pond!
De zun die kwam weer op veur heur en zie dacht: "Oh wat fijn,
’k bin liever ’n dikke lolbroek dan een slanke chagerijn

En van je hup twee in de maot, polonaise over’t straot,
bier en dreuge worst is mien favoriete kost (2x)

En de weegschaol die ik had ? Die lig in’t voelnisvat !!