De dikke ries-polka

1.  Wijbint  al jaoren sta-pelgek
op mooi dik spek. Mooi dik gèl spek.
Of  biestiesvleis zo oet de weck.
’t Is oes niet gauw te gek.

En
Als wij waorens oet eten gaot,
bij ‘n tante of bij ‘n kameraod
dan lus wij ok wal’n kroppien slaot
Het komp oes niet zo krek.

Maar ’t liefst hew dikke ries.
Dat kreg de eerste pries !

Refr:   Dikke ries  ( weck weck)  dikke ries ( weck weck)
Het allerliefst  met vlei .
Dikke ries (weck weck)   dikke ries  ( weck weck)
En dan een dik bord brei !

2.  Wij wuren kös deur de buurvrouw neugd
Daor haw oes barre op verheugd.
Zie was wal ‘n week met ‘t eten gangs,
Zie juug er aal weer langs.

’t Recept kwam dunkt mij oet Taipee
Met tjaptjoj,  kip en met  taughé.
’t Mus almaol hiel even in de wok,
‘t gung almaol veuls te drok.
 

Mèens, zeden wij, bij wal wies ?
Geef   oes toch dikke ries  !

Refr:

3.  En ’s aovonds was’t al hielmaol mis:
’t was ien geknetter en gesis.
En alles luup oes tegen de zin
zo bij de klompen in.

Wij kunnen niet lopen en niet staon
Wij kwamen niet bij de pot vandaon.
Wij hadden het hiele  lief van streek
Dat duurde host een week.

Het luup zo,  hurry up,
In ien streep deur de grup.

Refr: ( niet al te vrolijk)……………………………………
….. En proot mij niet van brei.

4.  Toen hew in’t lest de dokter beld
Al muide oes dat wal van’t geld.
Wij rupen : Dokter, beste man,
Hoe moe’w d’r toch met an.

Geef oes non toch wat medicien
Wat soda, zolt of vitamien.
Hoe krieg wij, dokter alstjeblief ,
weer vastigheid in’t lief ?

En oh wat waren wij  wies
met dokter zien advies:

Refr:    ( 3x)